جائزة دبي للقران- قراءة للمتسابق السعودي الوحيد الذي حصل على المركز الأولل
يياالسلام عليكم
كل عام وانت بخير
عندي موضوع إن شاء الله تفهموه ويعجبكم...
من قبل 11 سنه بدأت مسابقة قرآنية في دبي وهي من أقوى المسابقات الدوليه في القران الكريم طبعا المسابقه الدوليه الي في السعوديه هيا مسابقة الملك عبدالعزيز وتصير كل سنه عندنا في مكه..
خلينا نرجع لدبي...
فالمسابقة هادي الكثير يعرفها باسم (جائزة دبي للقران الكريم)
فطبعا من أول ما بدأت المسابقة ولا متسابق سعودي شم ريحة المركز الأول إلا متسابق سعوي واحد شارك في السنه التاسعه للمسابقه يعني رمضان 1426هـ/2005م
فما شاء الله عليه جاب الأول وبجداره كمان ماشاء الله تبارك الله...
لكن للأسف مع انو كان سعودي وجاب الأول لكن الاعلام السعودي انا اعتقد كدا انها ما فرحت لو...
يعني شوفوا لمن فاز هشام السعودي في استار اكاديمي كيف بدا الاعلام -يرقص- ومني عارف ايه وهوا اصلا فايز بالفلوس يعيني كلها تصويت تصويت تصويت وفاز ...
يعني الفوز داك مو بجداره..
يعني مثلا/ واحد حمار يشترك في زي هادي البرنامج وصاحب الحمار هادا مريش"غني" يصوتلو يصوتلو الين ما يفوز يعني صارت الشغله فلوس ..كل ما تدفع اكتر تقترب للمركز الأول...(دحين لحد يجي يقلي يا شييخ ليش تسبوا انا ما سبيتوا انا قلت مثلا..)
لكن المتسابق السعودي حسين الي شارك في مسابقة القران جابها بجداره يعني اختبروه وسألوه قدام بليون واحد وكان النقل مباشر عبر قناة سما دبي يعني شافوه ناس كتيرين ويشهدوا له كمان...
طبعا مافش مقارنه بين مسابقة لكتاب الله الكريم وبين
مسابقة للغناء
بس انا قلتها عشان تشوفوا الفرق...
طبعا قلت خليني اوريكم الاختبار انتو كمان...
طيب خليني اتكلم عن الاختبار شويه ...الاختبار كان 5 اسأله من القران طبعا والمتسابق قريها برواية حفص
لكن النقل المباشر كان فقط للثلاث الأسئله الأخيره طبعا هادا نظام كامل المسابقه الى السنه هادي كمان..
وراح يجيبوا المسابقه على الهواء مباشرة لكل المتسابقين الي مشتركين من جميع الدول الاسلاميه والاقليات الاسلاميه كمان على قناة سما دبي يجيبوه تقريبا ساعه 8:30 بتوقيت السعوديه...
المقطع للسوال الثالث
المقطع للسوال الرابع
المقطع الخامس
وتقبلوا مني كل التحيات الحاره والمفلفله والمشطشطه<<<شطه يعني
جائزة دبي للقران- قراءة للمتسابق السعودي الوحيد الذي حصل على المركز الأولل
<<<شطه يعني
العرض العادي
